منتدى الفرح المسيحى - طوبي للي بيحسوا بغيرهم

https://upload.chjoy.com/uploads/160949555460571.jpg

الناس اللي فقدوا احبابهم في وقت قريب هيعدي وقت الاعياد ده صعب جدا عليهم .. لذلك دي نصايح لو بتتعامل معاهم :

• بلاش تقول لحد فيهم كل سنة وانت طيب (هو اصلا كاره الاحتفال وعايز الوقت ده يعدي باي طريقة)

• بلاش تتظاهر قدامهم بأي احتفال سواء بالزينة الخارجية او الحكاوي (لان ده بيدبحهم و بيقولوا جواهم مش كان من حقنا نحتفل زيهم كدة)

• من فضلك بلاش تضغط علي حد فيهم انه يحتفل ، وانه يتعزي (من فضلك هو الحرب اللي جواه كفاية مش ناقص تضغطه اكتر بانه يلبس قناع خارجي ويحتفل معاك)

• علموا ولادكم وهما بيعدوا من تحت بيوتهم يحترموا مشاعرهم ويعدوا بدون هيصة او احتفال .

• بلاش تتصل في الوقت ده و تعزيهم (هما مش عايزين يفتكروا) في الوقت ده بالذات .

• لو هتزورهم بلاش تحسسهم بنغمة شفقة منك وانك مشفق عليهم .. إتعامل عادي جدا .

• لو هتزورهم خلي الزيارة خفيفة دون الدخول في تفاصيل ويفضل الزيارة تكون بدون زينة وملابس مبالغ فيها .
• وتاني بلاش كل سنة وانت طيب .

و لو عايز تعيد عليهم بالطريقة المناسبة .. صلي لاجلهم كتير بإحساس صادق وبكل قلبك ان الله يزورهم و يفرح قلبهم و يحط سلامه العجيب جوة قلبهم ، بعيدا عن كل مظاهر الاحتفال الخارجي السطحي اللي بتوجعهم .

وطوبي للي يحسوا بغيرهم .. الله يحس بيه و يداويه .