منتدى الفرح المسيحى - اعرفوا معني كلمه عيله

https://upload.chjoy.com/uploads/160888340148261.jpg

احنا النهارده متجمعين سواه ..
محدش عارف اذا كنا هانجتمع تاني ولا لا ..
وياتري هانكون كاملين ولا ناقصين حد ..
هيه الحياه كدا ناس تمشي وناس تقعد تكمل رسالة اللي مشي ..

اهم حاجه نفضل فاكرين معني العيلة .. اللمه ..
اللقمه اللي بنقسمها مع بعض ..
البيبان المفتوحه علي بعض ..
لاننا لما بننسي بنضيع

ماتخليش حاجه تفرق مابينكم ..
لا فلوس ولا مصلحه ولا سوء تفاهم ..
خليكم دائما في ظهر بعض ..
ادفعوا بعض لقدام ..

اوعي الدنيا تضحك عليكم وتنسيكم ان مافيش حاجه تستاهل ..
لا كراهيه ولا حقد ولا غل
الزمن لما بيمر بياخذنا معاه لبعيد
بعيد عن الشاطئ .. الشاطئ اللي كنا واقفين عليه
ورجلينا ثابته في الارض وراسنا مرفوعه للسماء ..
ولما بنبعد عن الشاطئ عشان مانغرقش بنضبش .
. اعتقد كفايه تتضبيش كده
اعرفوا معني كلمه عيله

العيله