|
يعنى ايه راجل دكر 💪👤
https://upload.chjoy.com/uploads/160849079769851.jpg للاسف من كثرة المعاناة الشديدة داخل الكثير من البيوت وكثرة الشكوى المريرة من الزوجات والبنات وغياب دور الراجل كأب وزوج واخ وابن ونظرا لان كثير من طرق التربية اللى بتعملها الامهات مع الذكور حصل خلل كبير فى مفهوم الذكر ومن كثرة العملاء من جنسيات متعددة بلتقى بهم فى الجلسات والكورسات وعندهم نفس الشكوى فكان لازم يبقى فى وقفة تساعد الجادين انهم يكونوا افضل وتوضح للمخطئين انهم محتاجين يعيدوا النظر من جديد الراجل هو الوحيد والحصرى اللى بيصرف على اسرته مش اللى بيخلى مراته او امه او بناته يصرفوا الراجل هو اللى بيشبع اسرته من حنانه وبيلم شمل البيت وبيته اولوية فى حياته الراجل هو اللى بيكون وقته مهما كان قليل .. فعال جوه البيت مش واخد ركن بعيد وطول الوقت مع نفسه الراجل هو اللى يحب بناته ويحضنهم ويدلعهم ويشبعهم من الحب النقى --عشان بيعانوا كثير فى رحلة حياتهم لما ده مش بيحصل من الاب تحديدا الراجل هو اللى بيرسخ نموذج ذكورى متوازن لابناءه الذكور ويعلمهم يكونوا فى خدمة ورعاية اناثهم الراجل هو السند والدهر واللى بيعرف يتصرف ويقف مع الصنايعية ويشترى طلبات البيت --مش الست الراجل هو الللى بيرسخ المبادئ والقيم والاخلاق فى البيت جميع ما سبق مش بالضرورى يكون حاصل 100% بس مهم يكون واضح وكل ذكر يسعى لتطوير نفسه جميع ما سبق ده جزء مش كل الراجل اللى بيعمل ما سبق بيلاقى الدلع والطبطبة جوه بيته وبيكون مستمتع برجولته |
| الساعة الآن 02:57 AM |
Powered by vBulletin® Copyright ©2000 - 2025