لكل يوم زوّادة: تعالوا إليّ

ما فينا بأجواء عيد الميلاد ما نفكّر بزغيرة السما القدّيسة تريزيا الطفل يسوع.
هيّي اللي عاشت الطفولة بكل ابعادها البشريّة و الروحيّة و كبرت بالروح تا وصلت للقداسة!
هيّي اللي قالت: "كيف لي أن أخاف إلهاً أصبح طفلاً صغيراً لأجلنا".
بتضوّيلنا تريز عالإشيا اللي تعلّمِتها من الطفل يسوع بالمِذوَد: البساطة، التواضع، الحب...حتّى انها فهمت انّو طفل المغارة الفاتح ايديه عم يعيّطلنا و يقلنا: تعالوا إليّ!
بيكفي نتأمّل بالتفاصيل و نفتح قلبنا تا نلاحظ و نفهم اشيا كتير متل تريز خصوصا بهالزمن المجيد اللي مليان فرح و امل و حبّ و سلام!