منتدى الفرح المسيحى

https://upload.chjoy.com/uploads/160619082195641.jpg

عناصر التأثير في الناس
٧ % الكلام المنطوق
٣٨ % نبرة الصوت
٥٥ % لغة الجسد

نضيف علي كل ده انك تكون "نفسك" ، تبقي "حقيقي"

يعني الناس مش بتسمعك بس و لا بتشوفك بس ، دي "بتحس" باللي جواك، و "بتشوف " اللي جواك ، و ما تقوليش ازاي
، لأن ما حدش عارف ازاي !!

الأكيد ان انت "مكشوف " اكتر مما تتخيل ،
المستخبي فيك بيبان مهما خبيته و لو بعد وقت ..

الفرق أن فيه ناس بتعرف تداري اللي جواها مدة معينة حسب قدراتها الدفاعية، و أن اللي قدامك ممكن مهاراته النفسية
علي اكتشاف اللي جواك تبقي عالية أو قليلة ..

لكن في الاخر ح "يتفقس" اللي جواك مرة واحدة او علي مرات
، و الناس ح تعرف ح تعرف انت مين ،
من كلامك من افعالك من صوتك ،
أو حتي من غير ولا حاجة من دول ؛ "الهبو" أو "الريحة " اللي جواك ح تطلع ح تطلع..

خليك "حقيقي" بجد تحب و تتحب، و ترتاح و تريح ..