لكل يوم زوّادة: ازرع الحب بعيلتك تا تحصدو بالعالم...

بيقول البابا شنودة الثالث: "الذي لا يحب أسرته، لا تصدّق أنه يحب في صدق أي شخص آخر...الأسرة هي منبع الحب..."
عنجد كيف بدّك تصدّق حدا انّو بيحبّك اذا عيلتو ما بيحبّن! هنّي اللي شافن اوّل ما فتّح عيونو عالدني، هنّي اللي رافقوه بمراحل حياتو، هنّي اللي كانو حدّو بأوّل كلمة قالها، بأوّل خطوة مشيها، بأوّل يوم راح عالمدرسة...
من وصايا ربنا اكرم اباك و امك و يسوع المسيح بس تجسّد ولد بعيلة تا يكون مثال إلنا! الأمّ و البَي هنّي عواميد و اساسات البيت. اذا ما بتحبّن يعني ما فيك تحبّ حدا! ... ما تنسى انّو الله بيقرا بالقلوب، اذا كلماتك خدعت الناس،نواياك و حقيقة شعورك ما بتتخبّى عا ربنا...ازرع الحب بعيلتك تا تحصدو بالعالم...