زوّادة اليوم: نعمة الصحة

وقت كانت القدّيسة تريزيا الطفل يسوع بالدير صار شي بيشبه اللي عم نعيشو اليوم. انتشر وباء الإنفلونزا بمدينة ليزيو و مات بسببو كتير ناس و كان سريع العدوى و بينتشر بسرعة. حتّى انّو قدر يخرق اسوار الدير و انعدو كتار من الراهبات. تريز يمكن لأنّو ازغر بالعمر كان وضعها احسن من غيرها و كانت حالتها منيحة فهيّي تطوّعت تخدم الباقيين و تعطيهن الدوا و تهتم بكل حاجاتن... منصلّيلك يا تريز توَزعي ورودك و نِعَمك عا كل مرضى كورونا بالبيوت و بالمستشفيات و تهتمّي فيهن تا يشفو بشفاعتك عند يسوع... يا ربّ منشكرك عا كل نِعَمك بحياتنا و
منطلب منّك نعمة الصحّة لكل انسان، يا ربّ سيّج بيوتنا و ما تخلّي كورونا و غيرها يفوتو ابدا...يا رب ارحم!
والله معكن.