منتدى الفرح المسيحى - عيش حياة مختلفة وامشي مع ربنا

https://upload.chjoy.com/uploads/160494841714881.jpg

"وَسَارَ أَخْنُوخُ مَعَ ٱللهِ، وَلَمْ يُوجَدْ لِأَنَّ ٱللهَ أَخَذَهُ" سفر اَلتَّكْوِينُ ٥: ٢٤

أحيانًا ممكن بتشعر بالملل لما تقرا أسماء كتيرة في الكتاب المقدس،
وتقرا سلاسل من الأنساب كتيرة في العهد القديم والعهد الجديد.

من اشهر سلاسل النسب اللي موجودة في العهد القديم: تكوين ٥.
تقرا إنه (فلان) عاش كذا سنة، وبعدين ولد أولاد
، وبعدين عاش بعد كده كذا سنة، وبعدين مات.

وأحيانا حياتنا، بتكون عبارة عن كده:
نعيش كذا سنة، نشتغل، ممكن نتجوز، ممكن نخلف،
وبعدين نعيش كام سنة وبعدين نموت.

ودي حياة صعبة شوية، كإنك قاعد في عجلة الحياة مستني الموت.

بس الآية اللي قرأتها في الأول بتتكلم عن شخص مختلف اسمه:
أخنوخ.

أخنوخ قرر يعيش حياة مختلفة، وانه بكل بساطة (يمشي مع ربنا).
في المسيرة دي، أخنوخ بيسمع مشيئة ربنا وأشواق قلبه،
وفي نفس الوقت بيسكب قلبه أمام الله.

والعجيب إن أخنوخ هو الوحيد اللي ميتقالش عنه إنه مات.

عيش حياة مختلفة، وامشي مع ربنا.