https://upload.chjoy.com/uploads/160379186611761.jpg

الشر بيموت صاحبه و هو مش عارف ..

زي النحلة بعد ما تلسع بتسيب ابرتها ملتصقة بجسم الضحية ..
و النسيج الممتد ما بين الإبرة والنحلة هو أمعاء النحلة الذي اللي اول ما يخرج منها بيموتها ..

ان كان علي القرصة علاجها سهل للي عارف
، تسيب شوية وجع و يروحوا ..

حتي أصحاب المناحل عارفين ان بعد اللدغة بتحصل لهم مناعة تخليهم بستحملوا القرص طول عمرهم ..

الدور و الباقي علي اللي لدغ و مات بشره و مراره و أذاه، و كمان خلانا ناخد مناعة ضد الالم و الوجع ..

فرعون "لدغ" شعب الله و بعدها هو اللي غرق في البحر،
و هيرودس "لدغ" بطرس و بعدها ضربه ملاك الله و اكله الدود ،
و الوزراء "لدغوا" دانيال في جب الأسود ،
الملاك نجي دانيال و الاسود التهمتهم بداله ..

كل من وقف ضد كنيسة الله و أولاده ممكن "يلدغ له" كام لدغة ،
بس هو اللي جاب لنفسه الاذي ..

كل ده بيحصل و احنا بنحب و نحسن و نصلي ، "ساكتين " و "شاكرين " و "محميين" ، و مش "شامتين" ؛ بس واقفين نتفرج علي عدل الله و امانته ..