لكل يوم زوّادة: ...يسوع واضح كتير عيدو حساباتكن و الباقي عليكن!

بيخبرو عن بنت زغيرة سألت خَيها الكبير: لقيت شغل؟ قلها لأ بعد... قالتلو لأنّك ما عم تعرف! انا بقلّك كيف! بكرا وصّلني انت عالgarderie ، في رفيقتي كل يوم امها بتوصّلها و بترجع تروح عالشغل هيك بتلحقها و بتعرف وين الشغل!
هالطفلة جرّبت تساعد بحلّ مشكلة خَيها بقلبها الزغير المحبّ. نحنا وين من براءة الطفولة؟ نحنا اللي قلنا يسوع المسيح ان لم تعودوا كالأطفال لن تدخلوا ملكوت السماء، نحنا اللي منعرف كيف بس التلاميذ بعدوا الولاد عن يسوع قلّن دعوا الأطفال يأتون الي و لا تمنعوهم لمثل هؤلاء ملكوت السماء...بعدنا منتكبّر و منتصرّف بفوقيّة...هلقد صعب تحبّو بعضكن و تنضفو قلوبكن!!؟...يسوع واضح كتير عيدو حساباتكن و الباقي عليكن! الله معكن