منتدى الفرح المسيحى - تغير لون عين حيوان الرنّة بين فصلي الصيف والشتاء

https://upload.chjoy.com/uploads/160101876701611.jpg

https://upload.chjoy.com/uploads/160101880350561.jpg

https://upload.chjoy.com/uploads/16010188447591.jpg

من المعلومات الجميلة إللي هتقابلها في حياتك،
هي تغير لون عين حيوان الرنّة بين فصلي الصيف والشتا.

اللون الطبيعي لعينه هو بُني مائل للذهبي،
ماعدا في فصل الشتا بيقلب أزرق زي مانت شايف
، ودا لإنه الحيوان دا في الغالب بيعيش بالقرب من الأماكن القطبية
وإللي بتمتاز بشتاء طويل مُظلم، بالتالي هيبقى صعب عليه يشوف في الضلمة، وهنا يجي لون العين الأزرق المائل للسواد إللي بيقدر يمتص أكبر قدر ممكن من الضوء عشان يقدر يشوف ويميز طريقه في أقل ضوء متوافر حواليه. (دا زي إنه حدقة عينك السمراء
بتتوسع في الضلمة عشان تستقبل ضوء اكتر فتقدر تشوف افضل).

مش بس كده لا، دا اللون دا كمان بيخليه أكتر قدرة على تمييز الأشعة الفوق بنفسجية ودا لإنه كل جسم حوالينا بيشع بألوان مختلفة في طيف الأشعة الفوق بنفسجية.. وهو حواليه في كل حته
تلج أبيض وظلام دامس وفي نفس الوقت مفترسات لونها ابيض او شاحب نفس لون التلج زي النمور والذئاب وغيره، هياخد باله منهم إزاي ويهرب!

عن طريق تمييز الأشعة فوق البنفسحية،
بتخليه يشوف المفترس منور كده وسط التلج في الضلمة،
عشان يلحق يهرب منه.