لكل يوم زوّادة: سلّة البيض

بيخبرو عن شب بعتو بيّو يلِمّ البَيض من القِنّ. أخد سلّة و راح و بلّش يجمّعن. صارو كتار كتير و ما كان إلو جلادة يرجع عالبيت يجيب سلّة تانية. خلّص و بسَلتو في جبل بَيض، قال ما بيأثّر بمشي عا مهلي احسن ما روح و اجي كذا مرّة. هوّي و ماشي تفَركش بحجر و وقع و تكسّرو كل اللي بالسلّة! صار خايف شو بدّو يقلّو لبَيّو...
نحنا هيك ربنا بعتنا عالأرض بمهمّة، طلب منّا ننشر كلمتو و نعيش المحبّة و نحب الناس و نصلّي و نعمل الخير... نحنا اوقات منختار طريق الشَرّ لأنّو الأسهل بلا ما نعذّب حالنا و بالآخر منطلع غلطانين و ما منعرف كيف بدنا نواجه ربنا!... قبل كل تصرّف و كل كلمة فكرو اذا بتستحو تذكروها قدّام الرَب و حسب جواب هالسؤال تصرّفو! الله معكن