منتدى الفرح المسيحى - جواب مختوم م السما

https://upload.chjoy.com/uploads/160028965610541.jpg

جايلك يا صديقي معايا جواب
مختوم م السما وعليه توقيع
اللي انت بتحلم دايما بيه
اطمن علشان مش هايضيع
وجعك .. ربنا كان حاسس بيه
والحمل خلاص مش هايخليه
كان شايله معاك .. بيشاركك فيه
وانت لا بتحس .. بأفضاله
يومياً ماتبطلش عتاب
قافل دايماً قدامه الباب
بتقول كان ليا رب و " غاب "
هفتحله وقت اما افضاله ..
مع ذلك لا بيزعل منك
بيحضر اللي بتتمناه
بيقول " ابني " وراح اتحمل
وهطول بالي تملي معاه
علشان عالم باحتياجاته
ومركز اوي ف اهتماماته
هانت جداً ، واللي اتمناه
يتحقق ويكون قدامه ❤