منتدى الفرح المسيحى - متشال بالصلاة

https://upload.chjoy.com/uploads/159989565099381.jpg

بتسأل نفسك ليه مكمّل ولسا فيك طاقة لحد دلوقتي؟

بُص ياصديقي خليني اقولك انه
-وبرغم اي ظروف بتعدي فيها دلوقتي-
فا السبب الاساسي اللي مخليك مكمل
هو انك "متشال" على صلوات ناس بتحبك وانت ماتعرفش، مسنود ومحمي ومتحاوط بحُب اتَّرجم لصلاة في الخفاء باينة نتيجتها
في الواقع وشايلاك فوق ظروفك حرفياً..
صلاة زي سور نار يصُد مصايب ودوامات كانت جيالك قصداك بالإسم هدفها تبلعك في قلب الموت..

عشان كدة ماتستهونش بالصلاة حتى لو نفسك مش جايباك ليها..
وعشان كدة قدّر كل حد حطَّك في صلاته لأنه من أهم عوامل ثباتك وانت مش شايف..
وعشان كدة برضو ماتبطلش صلاة لكل حد ربنا حطُّه في سكّتك..

متشال_بالصلاة