منتدى الفرح المسيحى - تاملات كتابية بالعاميه (ولدت مصلوبا)

https://upload.chjoy.com/uploads/159920538527211.jpg

انجيل متى
الاصحاح الثانى

- العوده الى الناصره مت2 : 19-، 23

من هروب لهروب...مش المفروض بعد هيرودس كان العائله الجميله ديه ترجع مرفوعه الرأس لليهوديه!!
بس زى ما اتكتب عنك يا يسوع ولدت مصلوبا..
متعجب من كلمه حاضر بتاعه يوسف النجار من حلم لحلم ومن مكان لمكان.. متعجب من كلمه حاضر بتاعه الهادئه القديسه العذراء مريم.. مفيش وضوح لخطه كامله بس فيه خطه بتترسم خطوه خطوه.. واضح ان التسليم سر الاختيار!
ومتعجب جدا جدا منك يا ملك الملوك من اعلى السماء لميلاد فى مزود لهروب على دآبه لهروب لافقر قرى الجليل "الناصره" مش كفايه اتضاع!
مصمم انك توضح للكل انك جى للمزدرى وغير الموجود. مجدا ليك ومبارك اسمك وعالى وغالى جدا جدا "فَلْيَكُنْ فِيكُمْ هذَا الْفِكْرُ الَّذِي فِي الْمَسِيحِ يَسُوعَ أَيْضًا:الَّذِي إِذْ كَانَ فِي صُورَةِ اللهِ، لَمْ يَحْسِبْ خُلْسَةً أَنْ يَكُونَ مُعَادِلاً للهِ.لكِنَّهُ أَخْلَى نَفْسَهُ، آخِذًا صُورَةَ عَبْدٍ،صَائِرًا فِي شِبْهِ النَّاسِ.
وَإِذْ وُجِدَ فِي الْهَيْئَةِ كَإِنْسَانٍ، وَضَعَ نَفْسَهُ وَأَطَاعَ حَتَّى الْمَوْتَ مَوْتَ الصَّلِيبِ.لِذلِكَ رَفَّعَهُ اللهُ أَيْضًا، وَأَعْطَاهُ اسْمًا فَوْقَ كُلِّ اسْمٍ لِكَيْ تَجْثُوَ بِاسْمِ يَسُوعَ كُلُّ رُكْبَةٍ مِمَّنْ فِي السَّمَاءِ وَمَنْ عَلَى الأَرْضِ وَمَنْ تَحْتَ الأَرْضِ،وَيَعْتَرِفَ كُلُّ لِسَانٍ أَنَّ يَسُوعَ الْمَسِيحَ هُوَ رَبٌّ لِمَجْدِ اللهِ الآبِ." فى 2 : 5 -،11
ادينى ياربى فكر المسيح انى اخلى نفسي انزل من المكانه اللى حاطط فيها نفسي او الناس حطانى فيها ومستكترش على نفسي الهروب من الخطيه وابليس... اتشبه بالهى اخد صوره عبد عشان اعرف اخدم سيدى الوحيد يسوع.امين