منتدى الفرح المسيحى - شخصيات كتابية نتعلم منها (نعمان السرياني)

https://upload.chjoy.com/uploads/159813755660661.jpg

لما اقرأ في سفر ملوك الثاني وأوصل لشخصية نعمان السرياني اقف قدامه مستغرب عن قوة إيمانه ومحبته وفضائله
رئيس جيش ملك آرام قيل عنه في ملوك الثاني الأصحاح الخامس
1 وَكَانَ نُعْمَانُ رَئِيسُ جَيْشِ مَلِكِ أَرَامَ رَجُلاً عَظِيماً عِنْدَ سَيِّدِهِ مَرْفُوعَ الْوَجْهِ، لأَنَّهُ عَنْ يَدِهِ أَعْطَى الرَّبُّ خَلاَصاً لأَرَامَ. وَكَانَ الرَّجُلُ جَبَّارَ بَأْسٍ، أَبْرَصَ
تعالوا نشوف هنتعلم ايه من نعمان؟
1- نعمان المجرب
رجل عظيم في الحرب ومرفوع الوجه يعني ليه مكانة عالية عند الملك وكان قوي في الحروب لكن أبرص
والبرص محكوم عليه انه يبعد عن كل الناس ويكون مطرود طول فترة مرضه
لكنه كان مازال يمارس عمله
2- نعمان يقبل النصيحة
وَكَانَ الأَرَامِيُّونَ قَدْ خَرَجُوا غُزَاةً فَسَبُوا مِنْ أَرْضِ إِسْرَائِيلَ فَتَاةً صَغِيرَةً فَكَانَتْ بَيْنَ يَدَيِ امْرَأَةِ نُعْمَانَ
. فَقَالَتْ لِمَوْلاَتِهَا: «يَا لَيْتَ سَيِّدِي أَمَامَ النَّبِيِّ الَّذِي فِي السَّامِرَةِ، فَإِنَّهُ كَانَ يَشْفِيهِ مِنْ بَرَصِهِ».
تخيلوا معي واحد يسمع كلام واحدة أسيرة حرب وطفلة صغيرة من المفترض انها لا تريد له الخير
لكن تعلق بالأمل وقبل النصيحة ونفذها
وده يدل على اتضاعه
3- نعمان المؤمن
رغم أن أليشع النبي قابله بشكل غير المتوقع لانه كان متوقع انه هيصلي لإلهه ويحط ايده عليه ويشفى لكن
فَأَرْسَلَ إِلَيْهِ أَلِيشَعُ رَسُولاً يَقُولُ: «اذْهَبْ وَاغْتَسِلْ سَبْعَ مَرَّاتٍ فِي الأُرْدُنِّ فَيَرْجِعَ لَحْمُكَ إِلَيْكَ وَتَطْهُرَ».
في الأول افتكرها إهانة لكن كان في جندي شجعه انه يقوي إيمانه وينفذ الطلب
نعمان اللي كان طول عمره مستخبي تحت بدلته من الخوف ان حد يشوف برصه
خلع البدلة اللي بتخفي عيوبه ونزل نهر الأردن سبع مرات وخرج سليم تماما
لكن الأهم مش في كده
الأهم هو بعد شفاءه جري بسرعة على أليشع
فَرَجَعَ إِلَى رَجُلِ اللَّهِ هُوَ وَكُلُّ جَيْشِهِ وَدَخَلَ وَوَقَفَ أَمَامَهُ وَقَالَ: «هُوَذَا قَدْ عَرَفْتُ أَنَّهُ لَيْسَ إِلَهٌ فِي كُلِّ الأَرْضِ إِلاَّ فِي إِسْرَائِيلَ
وطلب طلب غريب لكنه يدل على قوة إيمانه
فَقَالَ نُعْمَانُ: «أَمَا يُعْطَى لِعَبْدِكَ حِمْلُ بَغْلَيْنِ مِنَ التُّرَابِ، لأَنَّهُ لاَ يُقَرِّبُ بَعْدُ عَبْدُكَ مُحْرَقَةً وَلاَ ذَبِيحَةً لِآلِهَةٍ أُخْرَى بَلْ لِلرَّبِّ
طلب تراب الأرض المقدسة انها تكون معاه علشان يبني مذبح منها في بلده ويعبد الرب
علشان كده ربنا طوب نعمان في إنجيل معلمنا لوقا انه الوحيد اللي استحق ان أليشع يشفيه
وَبُرْصٌ كَثِيرُونَ كَانُوا فِي إِسْرَائِيلَ فِي زَمَانِ أَلِيشَعَ النَّبِيِّ، وَلَمْ يُطَهَّرْ وَاحِدٌ مِنْهُمْ إِلاَّ نُعْمَانُ السُّرْيَانِيُّ».
تعالوا نطبق اللي اتعلمناه
1- لا تتذمر في وقت تجربتك لأن التجربة بتكون لخيرك ويمكن تكون علشان تحس انك من غير ربنا مش هتساوي شيء
2- اقبل النصيحة حتى لو كانت من أصغر منك
وقول لنفسك مش لازم اكون أنا الصح على طول الوقت
3- بقدر إيمانك ربنا يعطيك كل سؤل قلبك
خليك واثق ان ربنا مهما اتأخر هيستجيب في الوقت المناسب