منتدى الفرح المسيحى - مفيش أحسن منه

https://upload.chjoy.com/uploads/159457605290451.jpg

اللي تزعل منه مفيش أحسن منه ..

لو حد ظلمك، أو اتجبر عليك و ما عرفتش تاخد حقك بكل لأنه مستقوي نفسه و مستضعفك، أو حتي لأنك مؤدب زيادة و مش بتاع مشاكل
، اوعي تزعل و لا تتقهر ..

فيه قوانين الهية في الكون حتي لو ما حدش نصفك ح تنصفك
و لو بعد حين ، وفيه خطة سماوية معمول فيها حلول سابقة التجهيز للتعامل مع الظالم و لإرجاع حق المظلوم ..

طبعا ده مش معناه ما تطلبش حقك ..
لكن يا ما الحقوق بتروح وسط عالم قاسي
و ناس ظلمة و قلوب سودا ..

حاجة تاني .. انت غلطت و اتسرعت و خدت قرار مندفع .
. اوعي تزعل ، لأن ربنا برضه عامل حساب غلطاتك
و حاطط لك خطط بديلة تطلع اجمل خير من أسوأ موقف ..

راجع قصة داود لما شاول ظلمه مرات نصفه و رجعله الملك ..
و حتي لما هو غلط مرات تاني و بعد عن ربنا
و ارتكب الخطية مع بثشبع، و اتسرع و عد الشعب مرة تاني ..

في كل ده ربنا كان بيلم و بيلحق وراه ،
و يرجعه اعظم من الاول حتي في سقطاته..

طبعا ده مش معناه تغلط و تقول ربنا يصلح..

ده معناه ان ربنا عامل حساب لغلطاتك و عارف انك متحارب و تحت الضعف و بيشتغل احلي شغل في الوقت ده و يطلع من عيوبك بطولات ..

يبقى اللي تزعل منه ما يجيش احسن منه ..