زوّادة اليوم:
بيخبرو عن شب مسافر. كلّن عتلو همّو شو رح يعمل وحدو ببلد غريب! و بلّشت ورشة ضبّ الشنطة. بتعرفو شو اوّل شي حطّو بشنطو؟ لأ مش الpasseport و لا تيابو!
اوّل شي حط انجيلو، مسبحتو، و صورة القدّيس شفيعو! هالشب آخد معو صلوات إمّو و بركة الله، هالشب ما رح يعتل همّ انّو رايح عا مطرح جديد ما بيعرف فيه حدا لأنّو حامل ايمانو بقلبو!
ايمانك عابر للحدود و للمسافات...يمكن الهجرة من اصعب المواقف بحياة الإنسان، و بمتل هالأوقات الصعبة ما في إلّا ربنا قادر يكون معنا بكل وقت و زمان و مكان و تحت كل السماوات! خلّو الربّ رفيقكن، هوّي ما بيفلّ و ما بيترككن شو ما كانت الظروف...معك لا اخاف يا سيّد حياتي أنت لدربي اوفى صديق! الله معكن