منتدى الفرح المسيحى - لو مش هتسند متكسرش

https://upload.chjoy.com/uploads/159389733916291.jpg

فيه كوباية ازاز ممكن تقع على الارض وتتكسر
وكوباية تانيه تقع وتتشرخ
وكوباية تالته مايحصلهاش اي حاجه
مع ان التلاته كوبايات والتلاته ازاز

مش كل مكسور فرفور
فيه ناس بتنكسر من اقل واتفه المواقف ..
وناس تانيه بتنجرح .. وناس تالته بتتماسك
والتلاته بني ادمين وعندهم مشاعر واحاسيس
ربنا وهب كل واحد فينا بصفه ..
الضعيف مش جبان ولا القوي بارد
كل انسان وليه قدرة تحمل
فبلاش نقلل من اسباب تعب غيرنا مهما كانت تافهه في نظرنا
، لانها اكيد في نظره مشكلة كبيرة ومتعبه

لو مش هاتعرف تسنده فيها .. ولا تطبطب عليه لحد مايخرج منها
ولا تساعده لحد مايتغلب عليها
فافضل خدمة ممكن تقدمهاله انك ماتقللش منها
ولا تتريق عليه بسبب تفاهتها مهما كانت صغيره في نظرك ..
يكفي انك تقوله ربنا يعينك وهاصليلك

الناس على شعره .. فلو مش هاتسند
فارجوك ارجوك ارجوك ماتكسرش