منتدى الفرح المسيحى - عايز تسعد قلبه

عايز تسعد قلبه
http://im20.gulfup.com/2012-08-14/1344935995841.jpg

احبائى ماذا حدث لنا فى المحبه اللى بين البشر فى الموده بين الناس ليه بقينا لا نخاف على بعض ليه يقينا كل واحد همه نفسه وبس فين الجار يسأل على الجار بعيد عن نوعية الديانه او الجنس ليه المشاعر الانسانيه بقت تقل تقل حتى اصبحت معدومه
اين السؤال اين الحب اين الموده اين انت من اخوك ليه الاخ لمجرد السؤال عن اخوه مش موجود ازاى احنا بين وبين بعض لايوجد مشاعر ولا حب ازاى نكون قريبين من ربنا اللى احنا مش شيفينه اين انا من الله انا بعيد ولا قريب هذا الشعب يعبدنى بشفتيه
لما حدث مشكله للوط لما ينتظر ابراهيم واتصرف ولما قسم الارض قال له خد يالوط اللى انتى عايزه صحيح قايين قتل هابيل لكن هذا الامر كان شاذ بين الحب لكن الان الحب اصبح امر شاذ بين الكراهيه والحقد والقتل
احنا ياناس مش قاعدين كل واحد له نهايه فى هذه الدنيا حياه مؤقته ولازم تنتهى ماذا تصنع عندما تقدم حساب وكالتك
كل الذى اقوله سنه جديده جيه ايه اخبار قلبك لسه فيه المحبه ولا همك نفسك وعيالك وبس هل تعلم انا المسيح حزين على حالنا هل تعلم المسيح بردان وانا مدفى المسيح جعان وانا شبعان هل تعلم المسيح مريض ومتألم وانا صحتى كويسه
احبائى فى ناس كتيره واطفال كتيره عايشه فى بيوت لايوجد لها سقف فى اطفال شعرها واقع يوجد ناس محتاجه انك تسأل عليه بس ناس محتاجه عشورك عايزه لقمه تأكلها وهى وعيالها
سامحونى انى قلت الكلام دا بس اللى بنعمله فى اخوة الرب وحبنا للناس وسؤالنا على بعض هى هديه العيد للمسيح هل تريد تسعد قلب يسوع عايز تفرحه اسأل ولو سؤال عن اخوك اسعد قلب انسان محتاج دخل الفرحه فى قلوب الناس
منقول