منتدى الفرح المسيحى - من الدروس اللي اتعلمتها فى أيام الكورونا

من الدروس اللي اتعلمتها فى أيام الكورونا

https://upload.chjoy.com/uploads/159315596786511.jpg

◾ماينفعش تعتمد على مصدر رزق واحد.

◾مشروع شخصي جنب شغلك.

◾فلوس على جنب احتياطي للطوارئ تعيشك ع الاقل ٣ شهور
وده مش اوبشن ده شئ لازم يتعمل ف اللي جاي.

◾تصدق عن صحتك بمساعدة الناس لانها ممكن تروح بسرعة .

◾حب أهلك اكتر ..!!!!

◾اهتم بصحتك ومناعتك ..

◾اللي اتصدق بفلوس ف عز الأزمة دليل انه عارف
ان الرازق الله و فرق كبير بين شخص عارف
و شخص بيردد وخلاص..

◾لو الكورونا اثرت بشكل كبير على مصدر دخلك يبقى انت كنت ماشي غلط ومعندكش أفكار جديدة وعايش بفكر الحفظ وشخص نمطي.

◾الحياة فجأة طلعت غالية عند الكل
حتى اللي من يومين قال انه عايز يسيبها

◾ان ربنا بيبعت لنا كل يوم درس يعرفنا قدرته علشان يوم القيامة مايبقاش لنا حجة اننا كنا مشغولين ف ساقية الدنيا
ومالحقناش نقرب من بابك يارب

◾الايام العادية المملة طلعت نعمة ونعمة كبيرة كمان
بس احنا اللى مش واخدين بالنا

◾الانسان دايما بيدور على الناقص ومابيعرفش يستمتع باللي يملكه ..

◾الناس اللي بتفارق الحياة كتير اوي ومش بسبب الكورونا وبس

◾الكورونا جاية لناس معينة و بأسماء معينة
مالكش حول ولا قوة غير انك تاخد بالأسباب وتطمن اللي حوليك

◾النفسية الحلوة تبعد المرض و العكس !!

◾الشخص القوي نفسياً مهم زي الشخص اللي صحته حلوة..

◾عرفت حجمي كويس وشوفت اني ماليش حول ولا قوة بنفسي

..