منتدى الفرح المسيحى - زقه جوه حضنك يارب

https://upload.chjoy.com/uploads/159311556789691.jpg

رغم ضعفي ومُر الحياه وقمه الخطيه اللي انا فيها
بيفضل هو ده احتياجي (حضنك )
.كل طلبي انك تنهي صراع الدنيا احنا يارب
مش بنحب الخطيه ولا بنحب الضعف انت لو سألت اي حد في عمق خطيته ونجاسته عاوز ايه ؟
هايقولك عاوزك انت عاوز حضنك عاوز طهارتك
عاوز نعمتك عاوز أعيش معاك في علاقه ثابته .
محدش فينا يارب فرحان بنجاسته
انت عارف يارب اللي جوه القلب انت عارف كم الاحتياج
اننا نرجع اننا نعيش معاك انت و بس
وننسي كل خوف وقلق حصل بسبب ضعفنا
.كل طلبنا يارب احنا محتاجين زقه جوه حضنك
مش عاوز زقه في حضن البِركه اللي مافيهاش شفا انت الشفا يارب .
انظر لضعفي انظر لقلبي اللي بيحبك رغم نجاسته انظر لاحتياجي ليك.المسني لمسه في زقه فرح زقه سلام زقه طهاره زقه نعمه
.احضنا يارب