زوادة اليوم: القديس الملاك ميخائيل

اذا الواحد انسرق منو شي بيبلغ الشرطة، اذا كنا شي مطرح و صار معنا شي منروح عا اقرب مركز شرطة، اذا حدا اخدلنا من حقوقنا منلجأ للشرطة...هيدا بحياتنا اليومية. شي مرة شايفين صورة للملاك ميخائيل؟ منشوفو بإيدو سيف الو حدين اللي هني الحق و العدل. الملاك ميخائيل هوي اللي بيدافع عن الجنة مع جنودو، هوي اللي مهمتو يحارب الشر و الأشرار، حتى انو بيسموه شفيع رجال الشرطة! مطرح ما بتشوف شر عالأرض صليلو! اطلب مساعدة جنود السما بكل معاركك...و ما رح تكون الا بأمان و سلام و ربحان! أيها القديس ميخائيل، المدافع عنا في المعركة، تضرع لأجلنا. أيها القديس ميخائيل، المنتصر على الشيطان، تضرع لأجلنا. أيها القديس ميخائيل، أمير الجيوش السماوية، تضرع لأجلنا...صلاتو معكن...الله معكن