زوّادة اليوم: خليكون بجوّ الصلا

بيخبرو عن وردة حلوة كتير قطفوها و حطّوها بمزهرّية بالبيت مين ما شافها تلفتلو نظرو بس بعد كم يوم دبلت و ماتت و انكبّت بالزبالة! بنفس الوقت كان في عشبة زغيرة كانت مزروعة حدّ الوردة ما حدا عاطيها اهميّة و لا منتبهلها بالجنينة، الوردة راحت و هيّي عاشت كتير! انّك ما تكون محطّ الأنظار، انّو ما تكون مشهور، انّو يكون شكلك عادي، انّك تكون متل الكل مش يعني انّك ناقص و اذا الناس ما انتبهولك تذكّر عا طول انّو بالسما في ربّ سهران عليك و بيحبّك كتير! المظاهر ما بتدوم و خصوصا اذا الواحد طلع من بيئتو متل ما الوردة انشالت من الأرض!...خلّيكن بجوّ الربّ و الصلا و الكنيسة لأنّو بس نطلع منّو منبعد عن الحياة! الله معكن