منتدى الفرح المسيحى - ده حبيبي اللي حضنه لامس قلبي ومطمني

https://upload.chjoy.com/uploads/159145142941811.jpg

خادني من ايدي وشدني وقالي تعالي جمبي وفضفضي
ف الاول مكنتش عارفه احكي سكت شويه وقولتله....
مش عارفه ابدأ منين.....

طبطب عليا وقالي اللي عاوزه تحكيه حتى لو كان ملخبط
هقدره وهفهمه وهسمعه بس ابدأي 🤝

قلبي حس بالأمان حس بأنه مشتاق يحكي ولاقيت لساني بدأ يتفك ويتكلم

طيب بص يارب انا هقولك..
انا مش زعلانه من كل اللي بيحصلي ولا من تجاربي
ولا من قسوة الدنيا عليا😔
انا بس صعبانه عليا نفسي وقلبي وااااجعني
طيب يارب انت فاهمني انا حاسه اني قلبي حلو ومايستاهلش 💔😢

فضلت أتكلم كتير وهو قاعد سامعني ولا مره قاطعني
وكل ما دموعي تنزل بايده يطبطب عليا ويمسح دمعتي
وخلصت كلامي وسكت😔

لاقيته قام وبس حضني ❤️
اااايوه هو حضن بس...
لكن كان فيه كل الكلام حضن يريح القلب ويزيل كل هموم الحياة ويطمنك

وقالي....
طيب انتي شايفه اللي حصلي منا برضو مستاهلش
بس اتحملت عشان اجهزلك مكان تيجي عندي
انتي كمان اتحملي مكانك جمبي
مش عاوزك في يوم تقلقي انا دايما جمبك ضهرك وسندك💪

وده_حبيبي_اللي_دايما_قلبه_حاسسني_وسامعني
ده_حبيبي_اللي_حضنه_لامس_قلبي_ومطمني