زوادة اليوم : الخطية من صنعنا
كان القديس دومينيك عبد الأحد راكع بغرفتو عم بيصلي للآب السماوي . قال للرب :" يا رب بحب قدملك كل العالم , كل الكرة الأرضية وكل المخلوقات ." جاوب الرب :" أنا يللي خلقت العالم". كمل الصلا وقال :" يا رب بحب قدملك كل حياتي ." جاوب الرب :" بشكرك بس انا يللي وهبتك الحياة". قلو :" طيب يا رب بدي قدملك كل خطاياي "...جاوب الرب :" هيدا يللي من صنعك وهيدا يللي بدي ياه... لأني عطيتك كل شيئ عدا الخطية".
كل شي عنا هو هدية من الرب. الشغلة الوحيدة يللي منا هي خطيتنا , خلينا نقدملو ياها ونقلو : يا رب خطينا قدام السما وقدامك , سامحنا .
والله معكن .