منتدى الفرح المسيحى - قادر توهب لحياتى فى كل يوم عمر جديد

https://upload.chjoy.com/uploads/159074108913071.jpg

فى تنغيصه من تنغيصات الحاضر بتاعى يقررعقلى
وقلبى انه ينط فى اول قطر للسرحان والتوهان
والعوده للماضى فى محاوله انقاذ الباقى من مشاعرى
..بس يخيب الامل وقطر الهروب ميأديش مهمته
والاقينى اترميت بين طحونه الذكريات المؤلمه
وادهس من سيل نزيف مشاعرى
يجدد عقلى للمره التانيه الامل فيا وبكل عنفوانه يجرى
يمسك فى حبال المستقبل المنتظر بس يتواجه بالمنطق المر وهو بيصرخ فى وشه بكل الحجج والبراهين المثبته بانه مكانى مش هنا واصلا مش معمولى حساب ولا مثبت فى دفاتر الامل اسمى وارجع لحاضرى المخزى وانا ميقنه انى مطروده من كل ازمنتى
بس ارجع لابعد من كده وافتكر ان اللى عنده اللى يتلغى الزمن قدامه و اللى سلطانه يفوق الاعمار وصلاحه يغطى الدهور
.لا حاضر يحنيه ولا ماضى يحسره ولا مستقبل يكتب موته
اللى عنده اله زيك بيحمل للمشيب بكفوف حكيمه عارف انك ياصاحب الازمنه قادر توهب لحياتى فى كل يوم عمر جديد