زوّادة اليوم: يا يسوع أنا أثق بك

بيقول احد الآباء: "ثق دائمًا عندما تذهب الى الله مكسور الجناحين تعود محلّقاً"
هالفترة بس تشكي همّك لحدا 90% الجواب اللي رح يطلعلك: كلنا هيك، هالوضع عالكل، متلك متل كل هالناس، مش وحدك هيك....
كلنا جوانحنا مكسورين كل واحد من مَيل... بس ما بقا تلاقي عالأرض دوا لجوانحك و تصير شايف انّك مستحيل ترجع تطير عَلِّي عيونك صَوب السما و اصرخ بكل ثقة و ايمان: يا رب! اذا من كل قلبك جيت عند الرب ما بترجع فاضي و شوف كيف بيِشفو جروحك و بيرجعو ريشاتك و بترجع طيران!...يا يسوع انا اثق بك...الله معكن