منتدى الفرح المسيحى - يسوع ما بينساش

https://upload.chjoy.com/uploads/159039936050931.jpg

واللي يطمن في يسوع انه مابينساش..
مابينساش دموعك وصراخك، اللي باين قدام الناس
واللي جواك برضوا ومش قادر تطلّعه
مابينساش وحدتك وصراعك كل يوم انك تقول لأ على حاجات كتير هاتريّحك بس هاتفصلك عنه
مابينساش التعب اللي استحملته سنين
وأنت واثق أنه هاييجي في يوم ويغيّر الوضع.
مابينساش نظرتك للسماء وأنت جواك الم معجّزك وكاسر روحك ..
وتعب مش قادر تترجمه لكلام فا بتقوله وسط البكاء "ارحمني .."!
صدقني مابينساش .. ومابيغفلش عنك ..
ومركّز قوي في تفاصيل حياتك
وعارف الضغوط اللي بتعدّي فيها وشايل همّها ..
والأهم .. مابينساش ثقتك فيه وتمسُّكك بيه وقت كسرتك وانهيارك.. وبيعوّض أضعاف وأضعاف اللي بتحلم بيه ..
بيعوّض "أكثر جداً مما تطلب أو تفتكر"..
يمكن مش في تغيير الواقع، لكن بوجوده معاك فيه..
وصدقني دي اغلى مليون مرة من اي تعويض تاني!
ولحد ما يعوّض .. لحد ما يشفي ويرجّعلك النور من تاني
.. أرجوك تشدّد!