زوّادة اليوم: يا قديسة ريتا صلّي لأجل العالم كلّو

كتار قطعو الأمل من لبنان، كتار بس تسألن شو الحلّ بيقولولك ما في شي بيخلّصنا من اللي نحنا فيه، كتار بيقولو مستحيل لبنان يخلص من مشاكلو و يصير بلد! قد ما نسمع كلمة مستحيل هالإيّام ما فينا ما نتذكّر أشهر أقوال القدّيسة ريتا: إن آمَنتُم بالرب، ما من شيء مستحيل!
اليوم بعيدك يا شفيعة الأمور المستحيلة منطلب منّك تتشفّعيلنا عند الرب و تطلبيلنا رحمتو، و تساعدينا نواجه موجة المستحيلات اللي عم تجرفنا يوم بعد يوم...يا قدّيسة ريتا صلّي عا نيّة العالم كلّو حتّى يخلص من مرض كورونا و صلّي للبنان حتّى ينحلّو ازماتو عا انواعها، اشفعي لهالشعب اللي بتلبقلو الحياة!
ينعاد عا كل اللي حاملين اسم هالقدّيسة! الله معكن