منتدى الفرح المسيحى - اتْرُكْ كُفَّ عَنِّي فَأَتَبَلَّجَ قَلِيلًا

https://upload.chjoy.com/uploads/15881122147061.jpg

صعب جدا لما تسمعي حد يصلي ويقول لربنا :"سيبني ،كفاية يارب عايز اشم نفسي .."

التعبير ده بالظبط قالله ايوب في كلامه مع ربنا في اصحاح ١٠ :
" اتْرُكْ! كُفَّ عَنِّي فَأَتَبَلَّجَ قَلِيلًا "

من كتر ما اصحابه وصلوا ليه فكرة سيئة عن ربنا انه بيعاقبه لانه شرير ..
بدا ايوب يقول لربنا الكلام الصعب ده .. مع انه بعد التجربة مباشرة ايوب
شكر ربنا ودافع عنه وقال لزوجته "ليكن اسم الرب مباركا "

صعب يا ايوب انك تطلب من ربنا انه يتركك .. او انك تقولله كفاية
لو كان ربنا سمع صلاتك كنت خسرت خسارتين :
خسارة روحية : مكنتش اتمتعت بحوار حلو معاه وشوفته بعينيك :
"بسماع الاذن سمعت عنك ،والآن راتك عيناي "

وكمان كنت خسرت خسارة مادية : تعويضاته ..

سيبوا ربنا ينفذ خطته معانا للاخر .. لو قولنا كفاية يارب عايزين نشم نفسنا .. ساعتها هنخسر كتير ..

الصح اننا نطلب منه انه يدينا نفس طويل علشان نستحمل ونقدر نكمل ..وساعتها هيفهمنا مقاصده ..

"لَسْتَ تَعْلَمُ أَنْتَ الآنَ مَا أَنَا أَصْنَعُ، وَلكِنَّكَ سَتَفْهَمُ فِيمَا بَعْدُ». (يو ١٣)