منتدى الفرح المسيحى - أعظم وأعجب إله

https://upload.chjoy.com/uploads/158767237644191.jpg

شوف عمل ربنا يفوق اى عقل بشري

كان فيه طفل صغير شماس فى الكنيسه بقاله شهرين بيحوش مصروفه
عشان يجيب تونيه ظروف بيتهم خنيقه وضيقه وبيحرم نفسه انه يضيع الخمسين قرش
من شهرين علشان يشترى لبس الشماس
انهرده الخادم بتاعه شاف كوتشيه مقطوع . قاله تعالى اختار الكوتشي بتاعك
كده كده هاياخد كوتشي على العيد فياخده دلوقتى افضل
جه يشوف مقاسه وعينه لمحت لبس شماس وعينه برقت وساب الكوتشي وجرى على التونيه وبلهفه
سأله دى بتاعت مين قاله لا دى جايه من زمان فى شنطه لبس للاطفال
مسك فيها وحضنها مكسوف يقوله تديهانى
شاف شوقه ولهفته ساله تيجى مقاسك
حطها على جسمه وكانها متفصله بالسنتى عليه
قاله لو عايزها خدها .. قالى ياريت والدمعه هاتفر من عيونه من الفرحه
حكي انه بقاله شهرين بيحوش عشان يشتري وحده يلبسها فى القداس
للحظه سرحت وفكرت
هو ازاي ربنا رائع وحنين اوي كده ده مهتم حتى بلبس الطفل ده
وبحلمه ودى قطعه وحده جات ومش عارف حتى جات ليه وسط اللبس
واكتشفت ان الهى عجيب ومرتب بامانه حتى الخطوات والمقاسات
وكل شئ يخص اولاده انا مبهوره بيه وبحب قلبه وبتخطيطه الرائع
بحبك يارب
أعظم وأعجب إله ؟