منتدى الفرح المسيحى

https://upload.chjoy.com/uploads/158622042491761.jpg

الأوقات الصعبة بتخلينا نكتشف حاجات كتيرة على حقيقتها
بتورينا حقيقتنا قدام نفسنا، وبتوضح أولوياتنا،
وبتخلينا نعرف إيه هو مصدر حمايتنا وآماننا الحقيقي.
الوقت الصعب بيفضح أنانية ناس كتيرة
، ناس مافرقش معاها احتياج الآخر لكن المهم بس نفسها،
فجمعت أكبر قدر من الأكل والأدوية وأدوات التعقيم.
وفي المقابل شوفنا ناس عظيمة قررت تضحي بحياتها لانقاذ ناس تانية سواء بتعريض حياتها للعدوى والخطر أو حتى في التنازل عن مكانها على أجهزة التنفس الصناعي من أجل شخص تاني.
ناس بسلوكياتها الغلط اتسببت في تفشي المشكلة على حساب حياة آخرين، وناس ضحت بحياتها علشان تنقذ الموقف.
هل حقيقي( إن عشنا فللرب نعيش، وإن متنا فللرب نموت؟)
، الإجابة عن السؤال ده مش مجرد كلام بحماسة،
لكن تصرفات بتظهر وبتتعاش