منتدى الفرح المسيحى - علاج الرفض الحضن

https://upload.chjoy.com/uploads/158425879429121.jpg

في مره الانبا رافائيل ، كان بيجاوب على اسئلة الشباب !
واحد بعتله ( انا موجوع جدا من كنيستى و اترفضت منها ) 😥😥
رد قاله بالنص كدة " انا لو اعرف انت مين
، اجيلك دلوقتى و اخدك فى حضنى جامد و افضل حاضنك لحد ما تستريح ❤️
و بعدين اخدك كنيستك ارجعك للمكان اللى اترفضت منه
، هستناك يابنى ! " 😍😍
رفضك لخادم او لومك الشديد ليه مؤلم و قاتل و غير منسى قدام ربنا .
علاج الرفض الحضن و رد الكرامة مش الوعظ او التأديب او اللوم .
علاج الوجع الطبطبة مهما كان الشخص غلطان
المحبة و السلامة و الرحمة فى الخدمة اهم من الخدمة .
دورك كأمين خدمة انك ترد الغنم زى ما اتقال فى حزقيال 34 ، ترد المكسور و الموجوع ، مش بس ترده ، ده اتقال تجبر_المكسور_والمجروح_تعصبه ♥️
ربنا قال ويل لكل راعى اهتم بنفسه و مهتمش بغنمه !
هييجى يطلب منك شخصيا نفوس الغنمات ديه ،
هو نفسه قال كدة .
دورك كأمين خدمة انه مهما كانت قامتك الروحية
تنزل عن مكانك زى ما الانبا رافائيل عمل و طيب بكلامه
مخدوم موجوع اصله عمل زى معلمه فى غسيل الارجل
.. يا اما تعتذر عن مكانك