منتدى الفرح المسيحى - في الليالي ارفعوا ايديكم وباركوا الرب

https://upload.chjoy.com/uploads/158401141258721.jpg

وقت النوم هو مش وقت مالهوش لزمة بنرميه
لكن وقت استراتيجي جدا
عقلك بيكون في استسلام كامل
لاحد القوتين اما قوي الشر او قوي الخير

ولو عايز تتاكد اسال نفسك
هو انا ليه احيانا بصحي خايف او متعكنن رغم اني نايم عدد ساعات كويس
وليه احيانا بصحي نشيط ومبسوط حتي لو نايم ساعات قليلة

القصة كلها ان المخ هو المركز الاستراتيجي للانسان
اللي منه بتدار كل الافكار وتقود الي نشاط الجسم بكل تحركاته ومشاعره واجهزته ..

لو نايم وعقلك الباطن كله مخاوف او مشاكل او هموم او شرور
ففي الغالب قوي الشر هتاخد كل الافكار دي وتزودها وقت نومك وتترجمها لاحلام كلها تعب وخوف وهم
او انصاف احلام زي خيالات او افكار تسرب ليك مشاعر سيئة
وتصحي انت مش فاكر شفت ايه خلاك في الحالة دي .
. الغريب انها مش بتكون مجرد تسريب لكن يومك اللي بعده كله بيتاثر بوقت نومك ده ..

والعكس لو نايم ذهنك صافي
وطارح كل همومك قدام الله ونايم وانت مترنم وفكرك متغذي بكلمة الله والافكار الايجابية
في الغالب بتصحي ذهنك وجسدك نشيط جدا وكله حيوية ومشاعر سلام ..
وممكن يحصل المعجزة وتجيلك افكار رائعة وقت نومك بدون ما تفكر
فيها تلاقي بتخطر علي بالك وقت نومك وتصحي تنفذها

بعض الخواطر من اللي صنعت تاثير
جت لي وخطرت علي بالي وانا نايم وفي كامل نعاسي

والعكس اوقات ايامي كلها كانت بتبوظ
بسبب الليلة اللي سبقتها اني بروح للنوم بعقل مشتت وكله هموم ومخاوف او شهوات

علشان كدة الكتاب المقدس بيوصينا بضرورة التسبيح
((في الليالي ارفعوا ايديكم وباركوا الرب ))
والصلاة وقت الليل ومنتصف الليل
والكنيسة مهتمة جدا انها تعمل ده وقت الليل قبل النوم او بيتخلل النوم .

لانه وقت مهم جدا واستراتيجي
هو مش مجرد وقت ضايع بيرتاح فيه جسدنا ونقوم .. او زي ما بيصور البعض انه موت مؤقت . عرض أقل