منتدى الفرح المسيحى - رسالة لكل اعمي البصر و البصيرة

https://upload.chjoy.com/uploads/158208650447631.jpg

مش مصدقك ..

كلامك عن المباديء و الأخلاق حلو و جذاب و منظم ،
بس مش مصدقك..

حاجة جوايا بتقول ان فيك حاجة غلط ..
مهما حاولت تقنعني و تقنع كل الناس برضه فيك حاجة مش صح ..

صوتك مش واصل قلبي، ضحكتك بتخبي لؤمك و خبثك
، كلامك كله مزيف و عكس كل تصرفاتك..

اضحك علي الناس زي ما تضحك ، لكن علي لأ..
روحك مضلمة، واصلني منها رياء و حب لنفسك
و أنانية و غرور و كبر ..
واصلني منك عنف مخبيه ورا وداعة مزيفة ،
و حب للفلوس ورا قناع من التعفف،
و رغبة عارمة في الظهور مخبيها ورا تواضع كله تمثيل ..

كل تصرفاتك فاضحاك مهما عملت صاحب مباديء
، و مهما خدمت ووعظت .. و ياما اتفضحت لما بان عنادك و ظلمك و تسلطك و عنفك و طولة لسانك ، و انت لابس توب الحملان ..

كفاياك ضرر ليك و للناس ..
و اوعي تستهون بصبر ربنا عليك ..

و صدقني باصلي لك ان الهي يفتح عينيك و ينور بصيرتك
و يسرع بتوبتك ..

و علي قد اللي انت فيه و عملته في الناس،
برضه باحبك و ح ادعيلك لان انت مالكش حل الا الصلاة ..

د.مجدي إسحق