منتدى الفرح المسيحى - مش ح يبطل يدق

https://upload.chjoy.com/uploads/15819474025661.jpg

لسه قلبي بيدق كتير و كتير قوي ، مشاعر كافية و دافية
.. مشاعر مش عارف اوقفها، و لا احجمها و لا حتي اقللها ..

مشاعر حساسة للكل ، عاوز تريحهم و تريحني و تفرحهم و تفرحني ، لا بتدور علي راحة و لا مقابل
، مشاعر بتجري قدامي مش مستنيناهم و لا مستنيناني..

مشاعر لقيتها جوايا ، عايشة معايا ، قدامي و جنبي وورايا..

مشاعر تاعباني و تاعبة الناس معايا ،
مشاعر مش عارف الاحقها ، سابقة عقلي و كياني ..

حاولت اوقفها و ما عرفتش، اهدّيها و ما قدرتش، افهمها و ما عرفتش..

مشاعر حب للي بيحبني ، عاوز اديله عمري ،
و مشاعر وجع للي مش فاهمني ، عاوز اصالحه بعمري ..

مشاعر .. عاوز اعاتب و خايف اجرح و انجرح ،
و عاوز اسكت خايف اتعب و اتقهر..

مشاعر مخليا قلبي بيدق علي طول للناس حتي اللي تاعباني و مش فاهماني أو حتي كارهاني ..

و ياما قلت لقلبي جوه ضلوعي يبطل دق و خذلني
، أو حتي يقلل دق و لا سمعني و لا ريحني..

يا مشاعري اللي سابقاني، فاهمك و انت مش فاهماني، عاوزك معايا بس انت تاعباني، مستحملك و انت مش مريحاني..