منتدى الفرح المسيحى - تصحيح مفاهيم

https://upload.chjoy.com/uploads/158188964433541.jpg

مفيش ايات في الكتاب المقدس بتقول انك تكون فقير علشان تكون مع ربنا
لكن فيه العكس في سفر الامثال بيقول "ثروة الانسان الكريمة الاجتهاد"
يعني قصد الله هو انك تجتهد وتكسب مادي ومعنويا .

مفيش ايات بتقول انك تهمل شكلك الخارجي
لكن مكتوب في وصف الكنيسة انها كعروس مزينة لرجلها .

مفيش ايات بتقول انك ماتستعملش الاكسسوارات وادوات التجميل و ال perfume مثلا
لكن المسيح بيقول انك متي صمت فادهن راسك .. يعني حط بيرفيوم وزين وشك .

باختصار : الكتاب المقدس لما اتكلم عن الفقر قاصد انك تكون فقير
وانت بتتقي الرب خير من انك تكون غني بالالتواء والخداع .. لكن مقالش تكسل وتكون غير طموح.

ولما اتكلم عن المظهر الخارجي .. قال ان ميكونش المظهر الخارجي عكس الداخلي
لكن تهتم بالداخل زي الخارج .. لكن مقالش تهمل الخارج وانك متلبسش احسن حاجة عندك .

فمعني اني في وقت في عوز مادي نتيجة كسلي ..
او مظهري مش افضل حاجة فده تقصير في حقي وفي حق كلمة الله ولا يمت للروحانية بصلة .