منتدى الفرح المسيحى - مين يا أولاد يعرف إيه هى المنجليـــة ؟ (شرح درس المنجلية للاطفال)

http://img528.imageshack.us/img528/2599/spa0075pz0.jpg

المنجلية يا أولاد كلمة قبطية محرفة من أصل يوناني
ومعناها "محل الإنجيل"
والمنجلية يا اولاد ليها اسامى تانى زى القراءة أو القراية ودى يا اولاد
شكلها زى ما هى فى الصورة اللى قدامكم عبارة عن :
حامل مرتفع للكتب المقدسة...يعنى بنحط عليه الكتب الكنسية علشان الشماس او الأب الكاهن يقراها.
وفى كمان أشكال تانية للمنجلية منها الكرسى الخشبى بس دة شكل قديم قوى...
وفى منجلية بيبقها فيها زى دولاب علشان تتحط
جواه كتب الكنيسة.
وارتفاعها هنا يا اولاد بيشير او بيرمز لجبل سيناء اللى علية سلم ربنا موسى الشريعة ولوحي الشريعة (الشهادة) فقرأهما موسى على مسامع الشعب ليستمع إلى البشارة والتعاليم اللى ربنا له كل المجد اعطاهم لموسى النبى.. .
وكنيستنا القبطية يا اولاد بتستخدم أما منجلية واحدة بيكون اتجاها ناحية الشرق والغرب..
أو منجليتان واحدة للقراءات العربية ودى تتجه نحو الغرب (حيث يجلس الشعب) والتانية بتكون ناحية الشرق او متجه ناحية الشرق للقراءات القبطية .