منتدى الفرح المسيحى

https://upload.chjoy.com/uploads/157947254948531.jpg

اللي اتربي تحت قدمي كلمة الله يعشق "الخفاء" ..

١-عاشق الخفاء بيجاهد ضد الميكروفون (بالمعني الرمزي و الحرفي ، الاتنين) .
. اصل المايك بيخليك كبير و كتير ، صوتك مسموع و شخصك مشهور ..

حرب كبيرة بتواجه الشماس انه يستولي "علي الليلة"
، و الخادم انه "يسيطر علي الخدمة أو المؤتمر أو الاجتماعات" ، و المتكلم انه "يأكل الجو" ..
اما الخادم الحقيقي ، يقول "ذاك يزيد و انا انقص" (يوحنا ٣) ..

٢-عاشق الخفاء يحب قوي يعمل كل حاجة لربنا و للناس من غير ما حد يعرف .
. اصله بيحب الخير و بيحب الغير ، و يتعب قوي لو حد عرف شماله بتعمل ايه ليمينه (متي ٦) ..

٣-عاشق الخفاء يحب يعمل الصدقة و الصلاة و الصوم في الخفاء..
يهمه قوي ان ربنا بس هو اللي يشوفه .. و من علامات أمانته انه يتضايق قوي لو حد عرف ،
و بسرعة يستخبي، و ينسب الخير كله للغير و لربنا ..

٤-عاشق الخفاء عمره ما يتكلم عن نفسه ابدا .. يتكلم عن ربنا و كلامه و حياته،
يتكلم عن القديسين و فضايلهم، يتكلم عن الناس بكل خير ، و عمره ما يجيب سيرة حد الا بالنور و التقدير ..

٥-عاشق الخفاء حكيم ، يخبي فضايله و مواهبه ايوه ، إنما لو ربنا دعاه للخدمة ،
يستخدم مواهبه لخدمة ربنا اللي أداهاله ،
و هو متأكد انه شوية تراب في ايديه نفخ فيهم من قوته (راجع تكوين ٣) ،
شوية طين في ايديه (راجع ارميا ١٠ و ٢ كورنثس ٤) ..

يا تري مين بيعشق الخفاء معايا ؟؟