منتدى الفرح المسيحى - تنبت لك شوكاً و حسكاً

https://upload.chjoy.com/uploads/157763803449181.jpg

الارض في سلطان الله تسمع له ، من خلائقه و جنوده ،
تثمر له و تطرح بركة ..

و ربنا اعطي سلطانه لادم، و من هنا الارض
كانت في طوعه ده لانها اخد من الله التسلط عليها ..

و اول ما آدم كسر طاعة ربنا ، خرجت الارض من طوعه
، و بدل ما تثمر له خير ، بقت تثمر له شوك و حسك،
مرار و تعب و شقي ..

كده برضه كل اللي ليك ، لو مش بتسلمه لربنا
، يطلع لك مرار ..
لو انت مش في طوع الله ممكن الشوك يطلع لك في شغلك ،
عيلتك ، هجرتك، شقتك ، و حتي في خدمتك ..

تلاقي اللي بتعمله مش متبارك و لا متحصن..
تتعب و كيسك متقوب و شقاك متضاعف،
تتجوز و عيلتك مش مرتاحة، تهاجر و سفريتك مرتبكة
، تخدم و الثمر هزيل ..

لما تلاقي شوك طلع لك من غير ما تتوقع
، دور كويس ح تلاقي سيرتك مش حسب قلب الله
، و مسيرتك مش في نور الله ،
و حياتك مش ماشية مع كلمة الله ..

و اول ما تاخد رأي ربنا و تقوله حاضر
، ترجع الارض تسمع لك و كل الدنيا تقولك حاضر ..