|
اصبر بحب بكره ربنا يستخدمك بقوه في كرمه
https://upload.chjoy.com/uploads/157609887410361.jpg في كلمه عاوز اقولها لكل خادم او خادمه او اي حد جوه حقل الخدمه اتظلم واتجرح وحس انه مرفوض جوه خدمته.. او مش مقبول انك تبقي موجود .. . او لما اسمك يتقال يقولوا ده لا ... عاوز اقولك اثبت مع ربنا وكمل.. اعتبر ده مش جرح فيك ده جرح في ابوك وسيب ابوك هو اللي يتصرف .. . السيد المسيح قال اللي مش هايقبلكم اكنوا ماقبلنيش ... اوعي تزعل هما مش رافضينك انت هما رافضين المسيح ... عارف زي إيه ؟زي رعاه الخنازير اللي طردو الرب يسوع من كوره الجدرين بالاسم رعاه لكنهم رعاه خنازير رعاه سايبين اللي بيرعهوم ياكلوا من الزباله لكن الرب يسوع هو راعيك وانت خروفه هايخليك تاكل من مراع خضره ... كل واحد حس برفض او ظلم او عدم قبول جوه خدمه افرح لان ده مش جرح ده اكليل ... افرح لان طوبي للي مطرودين من اجل البر ... افرح لانك بتتشبه بالرب يسوع اللي كان وسط اهله وعاوزين يرموه من فوق الجبل لكن مر من وسطهم . .. كمل خدمتك بقلبك اللي عاوز يبين المسيح للكل. . اوعي تسيب الكنيسه ابدا اوعي تعمل ثوره واحزاب وتكتب كلام علي الفيس تقصد بيه اللي جرحوك لكن اسكت واصمت واعمل زي الانبا موسي الاسود وقول ايوه انا اسود وماستهلش ... اصبر بحب وعدم كراهيه عشان بكره ربنا يستخدمك بقوه في كرمه |
رد: اصبر بحب بكره ربنا يستخدمك بقوه في كرمه
موضوع جميل جدا ولمسنى شخصيا
ربنا يباركك حبيبتى ويبارك خدمتك |
رد: اصبر بحب بكره ربنا يستخدمك بقوه في كرمه
ميرسى على مرورك الغالى :) |
| الساعة الآن 01:04 PM |
Powered by vBulletin® Copyright ©2000 - 2025