منتدى الفرح المسيحى - لما ترجع المخافه كل شئ صعب هايتنقل

https://upload.chjoy.com/uploads/157497719497481.jpg

ايه الفرق من زمن نقل جبل المقطم والزمن ده.
الناس عي الناس والضعفات اللي جوه الناس هي هي مافيش جديد
ليه احنا انهارده مش زي زمان. قعدت فعلا افكر.
مش حكايه الناس كانت حلوه زمان.. ولا الكنيسه كانت أقوى لان الكنيسه قويه مش بتتغير
امال ايه؟ لقيت جوايا كلمه بتتردد اسمها (المخافه).
ضاعت من قلوبنا المخافه. بقي عندنا حريتنا الشخصيه اهم من مخافه الله في قلوبنا..
بقي اهتمامنا شخصي مش اهتمام لكيان كبير
انهارده عندنا صوت وقوه وكله يقدر يقول آراء تهز اي وضع موجود بس بردو مافيش حاجه بتتغير
لان كل ده ومافيش مخافه جوه قلوبنا. فقلوبنا قسيت. وبساطتنا راحت. فايمانا ضعف.
انهارده بقينا واثقين في ايدينا وقوتنا وعلاقتنا
وواثقين لو عملت هاشتاج هانهز الدنيا بس بردو مافيش حاجه هاتتغير
تخيلت لو الشعب زمان عمل هاشتاج نقل_الجبل. كان هايجيب لايكات بس مش هايتنقل
انهارده حياتنا باقت هاشتاج. وباقت تجريح في بعض. وتجريح في كنيستنا. وباقت صور وبس
اللي نقل الجبل اه الإيمان لكن كمان مخافه الله جوه القلوب
لما ترجع المخافه كل شئ صعب هايتنقل