منتدى الفرح المسيحى - أن أردت اعبر إلينا وأعنا

https://upload.chjoy.com/uploads/157451035971861.jpg

الغريب عنك يلتمس معجزة، مستني شيء ملموس يشدد ضميره المتقلب من نحوك.
. لكن اللي تلامس معاك وأشرقت في داخله، وسكنت بروحك جواه،
ازاي يتوه؟ وازاي ينسى هو مين، وانت مين!
وازاي يتغرب عن دعوتك الإلهية ويتوه عن ميراث مسيحك!
ومجدك المذخر لقديسيك ومفدييك!
اللي بيدور علي التلامس في المحسوسات، غريب اكيد،
ساذج، يمكن، معذور، يجوز، ثقافته كده، جايز.. ده آخر ما جابت عنيه
، احتمال، يمكن ما شافش وما دخلش للعمق معاك،
ولا لقى نفسه عريان ومكشوف في محضرك وفجأة لقاك كسيته بتوب برك فعرفك،
يمكن ملاقاش له وجود في كلمتك؟ يمكن محتاج اللي يقوله ذوق وانظر؟ طيب اللي داق!
واللي رأي رؤية العين والقلب! ده ليه يتوه؟ وليه يتغرب؟
وليه يقينه يضعف، وليه يتوه وسط الزحام فميبقاش عارف هو فين،
ولا رايح فين! انت تتلامس مع تيهانه، وترده!
تسحبه للعمق تاني، تجيبه من تاني من على شباك الصيد! مش عارف!
بس يعني ان أمكن، تقول كلمة، فيبرأ، أو أن أردت.. اعبر إلينا وأعنا!