منتدى الفرح المسيحى

شكلى ايه ؟؟

شكلى

اكيد كتير فكرت
انت شكلك ايه
وقعدت تسأل ناس كتير عن رأيهم

اللى يقولك رأى حلو تنبسط
واللى يقول مش اوى تحبط جداً..
تطلع السما شوية
وتتهبد على الارض شوية تانى..
شكلى
مش بس كدة أكيد كمان كتير كنت بتسأل عن رأيهم فى شخصيتك وطبعاً الاجابات كانت اصعب !!
وتفضل كدة طالع نازل

لكن ليه عمرنا ما بنفكر ننسى كل الاراء بتاعت الناس عننا دى
وناخد رأى نفسنا فى نفسنا
بس من غير ما تظلم نفسك
او تمدح زيادة فى نفسك
شكلى
خليك امين مع نفسك اوعى تصدق اللى يقول انا متواضع مش باحب اتكلم عن نفسى.
التواضع هو انك تكون عارف مقدار نفسك كويس
عارف انك انسان طبيعى مش كامل
فيك الوحش اوى اللى انت بتحاول تشتغل عليه
وفيك الحلو اوى

يعنى التواضع هو انك لما حد يسألك عن نفسك تتكلم عنها مش تسأله عن رأيه هو
وتذكر انك
"انت هو من تصدق انه انت "
شكلى
فاذا كنت مصدق فى نفسك
وقابل شكلك على انه هدية من ربنا
وشخصيتك على انها وزنة لازم تستثمرها وتصلح فيها وتنميها ,
الناس هتشوفك كدة وهتصدق فيك وهتقبلك

وعلى فكرة انت مفيش منك اتنين
وانت حد مميز اوى اوى عند ربنا..
صدقنى هو شايفك كدة