منتدى الفرح المسيحى - صعيدي و افتخر

https://upload.chjoy.com/uploads/157353638376881.jpg

مصر كلها صعايدة ..
حتي اللي ما اتولدش صعيدي ح تلاقيه نزح من الصعيد
و اتوزع علي كل حتة في مصر ..

و حتي اللي جدود جدوده مش من الصعيد،
جواه صعيدي صغير بأخلاقه و مبادئه و كرامته..

الصعيدي مش مجرد واحد ساكن هناك ، ده "حالة " ،
"رمز" ، "تركيبة خاصة" ..

الصعيدي كوكتيل جميل من الشهامة علي الرجولة
علي الطيبة علي الكفاح علي الأصل الطيب
و عزة النفس و الراس المرفوعة ..
الصعيدي مصنع رجال ، مولود جواه مقاتل ،
بيحارب من صغره في المدرسة و الجامعة و الشغل ..
ايديه مخلوطة بعرق الكد و الكفاح ..
يعرف المباديء لانها محفورة جواه ،
و يدافع عن شرفه و عرضه و بلده حتي آخر نقطة في دمه ..

حتي الام الصعيدية حاجة كده ما حصلتش
، ست بيت بدرجة ملكة ، حمالة اسية
، ابنها في ايد و الفاس في الايد التانية.
. جوزها حاسس ان وراه جبل من السند و القوة و التفاني.
. تعمل من بيتها مملكة بشوية جنيهات،
و تخترع شغل من مفيش علشان توكل عيالها ،
أن شالله تقف علي الطريق تبيع عيش ناشف..
تبص علي وشها تلاقي الشمس و التجاعيد أكلته
، انما عزيزة النفس ، كريمة الأخلاق..
لو جوزها رقد شوية تشيله و تشيل البيت كله و لا تشتكي لحظة..

لقب "صعيدي" فخر لكل راجل أو امرأة..