منتدى الفرح المسيحى

https://upload.chjoy.com/uploads/157285249035431.jpg

عارفين الكنيسة دي من غيرها كنت هتبقي ايه ؟
انسان جاهل ..
الكنيسة لها فضل عليك اكثر من بيتكم .. ايوة اكتر من بيتكم ..
انا مش بتكلم من الناحية الروحية ..
ده حتي لو انت صايع الكنيسة علمتك كتير
النادي اللي انت بتروحه ده لو مكنش موجود
كنت هتكون في الشارع طول اليوم ..
و لو مكنش موجود ولادك الاطفال هيكونوا في الشارع طول الصيف ..
الكرازة اللي بتتعمل كل سنة بتنور عقل ولادك و تشجعهم
و تخلي منهم ملح للارض و نور للعالم
لان كلام المسيح لما بيدخل جواهم
بيحول منهم جيل ملتهب يعمل بالكلمة و ليس حفظ الكلمة فقط ..
الاجتماع اللي بيطلعك رحلات و مهرجانات و ايام رياضية .
. من غيره هتكون انسان بيقضي يومه في كلام فاضي
و اصحابه علي كل لون .. لكن حتي الانشطة العادية
بتصنع ليك اصدقاء و بتعلمك يعني ايه محبة ..
الخادم اللي انت بتغلس عليه و فرحان انك بتستفزه
.. و هو علي قلبه زي العسل :) ..
لولاه مكنش هيكون قدامك قدوة تمشي عليها
في زمن راح فيه القدوة ..
الاب الكاهن اللي مش عجبك
لولاه كانت الكنيسة قفلت ابوابها من زمان .. علي الاقل لسه في مكتب مفتوح هيضمك في وقت تعبك من الحياة .. في ناس كتير مش لاقيه حد تتكلم معاه ..
الكنيسة صنعت منا عقول مستنيرة و واعية
.. نحن لدينا صرح عملاق ..
الكنيسة تبني المؤسسات و المعاهد التعليمية
و المدارس و المستشفيات و بتخدم المجتمع كله..
لو جلسنا دقائق مقارنة انفسنا بالاخرين ستفهمون الفرق
.. قارن نفسك مع زملائك الاخرين في العمل
ستعرف ان المسيح اعطانا الكثير و ملئ عقولنا بالنعمة..
فيالتنا نكون دائما ايجابيين و لنا دور مؤثر في حياة الاخرين
]..