زوّادة اليوم: بركة ألله

كل شي بهالحياة بيبلّش زغير و بيكبر! البناية العالية كانت بيوم من الإيّام فكرة بعدين خريطة حتّى صارت بناية! الشجرة الكبيرة بيوم من الإيّام كانت بذرة بعدين شتلة حتّى كبرت و صارت شجرة... شايفين اهم الرؤساء و الشخصيات كانو بيوم من الإيّام اطفال زغار بعدين صارو مراهقين حتّى كبرو و وِصلو لمركزن! الزوّادة بتقلّك اليوم ما تيأس و ما تستسلم اذا طولو المراحل الأولى كون اكيد انّك رح تحقّق طموحك بس لازم تتعب و تشتغل حتّى توصل متل ما البناية عندها اساسات تحملها بس تعلا و الشجرة عندها جذع كبير من المغذيّات و المَي و هيك الإنسان عايز كذا شغلة حتّى يوصل اهمُّن بركة الله لمشروعو و حياتو...الله معكن