منتدى الفرح المسيحى - الله معك على نفس القارب

https://upload.chjoy.com/uploads/15719960871971.jpg

الصورة دي دايما لما اشوفها اقف عندها

التلاميذ اثناء وجودهم في نص البحر
الموج قام بشكل مخيف بسبب شدة الرياح ..
وكاد ان يبتلع المركب باللي فيه

الطبيعي لو عندك ايمان ان الله معك على نفس القارب ..
هاتطمئن وتستسلم لاي ظروف بكل ثقه
لكن علشان احنا بشر مش ملايكة .
. بطرس اول حاجه فكر يعملها هي انه يصحي المُعلم ..

طيب تفتكروا هل المعلم نايم فعلا ومش دريان باللي بيحصل ومستني بطرس يصحيه علشان يعرفه !!
اكيد لا ..

يجوز اوقات تعتقد ان المُعلم نايم ومش حاسس بوجعك
او المك او همك او مشاكلك وسايبك تغرق
لكن اعتقادك خاطئ .. هو يعلم الصغيره قبل الكبيرة
خليك واثق انه معاك في مركب حياتك ومتابع معاك كل خطوة

وان ثقتك اهتزت في نفسك والخوف زاد
ارفع ايدك زي بطرس وقوله
يامعلم .. انقذني من ريح التجارب ..
فها هو قاربي كاد ان يغرق .. فأسرع واعني
وثق انه بإشارة واحدة هاينجيك من عمق التجربة ❤