منتدى الفرح المسيحى - متسلط النفسية

https://upload.chjoy.com/uploads/157150986656981.jpg

"متسلط النفسية" dominating psychology ..

ده بقي واحد مش بيسمع لأي رأي مختلف لرأيه،
او حتي فيه شوية تعديلات علي فكرته ..

شخص بيخش أي حوار وهدفه يسيطر علي اللي و يقنعه بالعافية
.. ودنه مسدودة و عقله متحجر و يا تعمل رايه يا يغضب
و يزعق و يهدد و يقاطع .. و يا تعمل اللي هو بيقوله ،
يا بلاش بيتكلم ..

متسلط النفسية يقعد يفرك و يحرك ،
و يغضب و يجادل و يسيطر لغاية اللي قدامه يا يعمل طلباته يا يبقي عدوه..

الغريب ان "متسلط النفسية" و "معكوس النفسية
" ممكن يبانوا في نفس الشخص هو بعينه !!

يعني شوية تلاقيه "معكوس" و شوية تلاقيه "متسلط"
.. ده لان الاتنين وجهين لعملة واحدة ،
نفس طيبة بسيطة لكن اتحرمت من حاجات كتير في طفولتها
أو اتعرضت لصدمات كتير في حياتها خللتها كده
، بتتمرجح في مشاعرها بين "المعكوس" و "السيطرة" ..

التعامل معاهم عاوز ذكاء و حكمة و مرات مواجهة هادية
و شوية كلام حلو علي حبة مناقشة جميلة .
. الصدام معاهم دايما خسران ،
و اللين و مخاطبة المشاعر النبيلة فيهم بيكسب..

عاوزين دوا و طولة بال لمشاعرهم "المجروحة"
و ماضيهم الملخبط ..

و كفاية عليهم المعارك اللي ح يتبهدلوا فيها مع ناس مش فاهماهم ..

خلليك طبيب تداوي الناس مش قاضي تحاكمهم..